Opera Studio Cedeira

Do  22 ao 31 de Agosto, terá lugar o cuarto curso de perfeccionamento musical en Cedeira (A Coruña) que, baixo o formato de «Opera Studio», culminará coa representación da ópera «The fairy Queen», de H. Purcell (1659-1695).
Mediante unha selección de candidatos (maiores de idade), aos distintos roles da ópera, así como dos compoñentes do coro e da orquestra, a Opera Studio incluirá, ao longo de 10 dias, clases individuais (cantantes) e colectivas, así como ensaios escénicos e musicais.
Este ano dividiremos o traballo en varios obradoiros, que se levaran a cabo en dous momentos diferentes. O obradoiro vocal entre as datas do 19 ao 22 de Xuño, no concello de Redondela. O obradoiro escenico, orquestral e baixo continuo realizaranse en Cedeira entre as datas do 22 ao 31 de Agosto.
O curso non terá coste algún para o alumnado seleccionado durante a estancia en Cedeira, salvo as viaxes e as comidas. No caso de precisar aloxamento, hai a posibilidade de aloxarse nun albergue en condicións básicas (compartindo espazos). Se desexaran outro de mellor calidade, poden contactar coa organización para axudarlles a buscalo, pero sen apoio financeiro. Para o obradoiro vocal non ofreceriamos posibilidade de aloxamento.

PARA MAIS INFORMACIÓN SOBRE PRAZAS E PROFESORADO PULSADE NO APARTADO ESPECIFICO QUE APARECE NA PARTE INFERIOR DA PÁXINA